ఎన్టీఆర్ ఆశయ సాధనకు కృషి చేయాలి.. ఎన్టీఆర్ వర్ధంతి వేడుకల్లో ఎమ్మెల్యే సుజనా చౌదరి పిలుపు

విజయవాడ: దివంగత ముఖ్యమంత్రి ఎన్టీఆర్ ఆశయాలను సాధించేందుకు ప్రతి ఒక్కరూ కృషి చేయాలని విజయవాడ పశ్చిమ శాసనసభ్యులు యలమంచిలి సత్యనారాయణ పిలుపునిచ్చారు. నియోజకవర్గంలోని వివిధ డివిజన్లలో ఎన్టీఆర్ వర్ధంతి వేడుకల్లో  ఎమ్మెల్యే సుజనా చౌదరి పాల్గొని ఆయన విగ్రహానికి పూలమాలలు వేసి ఘనంగా నివాళులు అర్పించారు. ఈ సందర్భంగా, 40వ డివిజన్ టిడిపి అధ్యక్షుడు పి.వి. సుబ్బయ్య ఆధ్వర్యంలో కనకదుర్గ ఫ్లైఓవర్ వద్ద ఎన్టీఆర్ వర్ధంతి కార్యక్రమాన్ని నిర్వహించారు. ఎమ్మెల్యే  సుజనా చౌదరి మాట్లాడుతూ.. ఎన్టీఆర్ తన రాజకీయ జీవితాన్ని ప్రజాసేవకే అంకితం చేసిన గొప్ప నాయకుడని కొనియాడారు. ఆయన స్థాపించిన తెలుగుదేశం పార్టీ ప్రజల హృదయాల్లో చిరస్థాయిగా నిలిచిపోతుందని తెలిపారు. ఎన్టీఆర్ రాజకీయాలలోని క్రమశిక్షణ, పట్టుదల వలన అతి తక్కువ సమయంలో ప్రతిష్టాత్మక స్థాయికి చేరుకున్నారని, రాజకీయాలు ప్రజాసేవ కోసం మాత్రమే ఉండాలని ఆయన నిరూపించారని సుజనా చౌదరి చెప్పారు. ప్రతి ఒక్కరు ఎన్టీఆర్ ఆశయాలను కొనసాగిస్తూ, ప్రజల అభ్యున్నతిని లక్ష్యంగా నిరంతరం కృషి చేయాలని ఆయన పిలుపు ఇచ్చారు.